විදුහල්පති පණිවිඩය

නැගෙනහිර පළාතේ අම්පාර දිස්ත්‍රීක්කයේ අම්පාර අධ්‍යාපන කලාපයට අයත් අම්/වෑරැන්කැඩගොඩ ජාතික පාසල නැගෙනහිර පළාතේ කීර්තිමත් පාසලකි.1956 වර්ෂයේ ආරම්භ වී ඇති අතර දශක කිහිපයක අතීතයකට උරුමකම් කියන දිනෙන් දින විශිෂ්ඨත්වය කරා පිය නගන පාසලකි.අධ්‍යාපනය අතින් පමණක් නොව ක්‍රීඩාව,සෞන්දර්යය,සාහිත්‍යය ආදී සෑම ක්ෂේත්‍රයකින්ම කැපී පෙනෙන දරුවන් සිටිනා පාසලකි.

ශිෂ්‍යත්වය,සාමාන්‍ය පෙළ හා උසස්පෙළ විභාග වලින් ඉහළ සාමාර්ථ ලබා ගන්නා දරු පිරිසක් සිටින අතර,විශ්ව විද්‍යාල අධ්‍යාපන වරම් ලබා ගත් දරුවන් අධ්‍යාපනය ලබා ගන්නා පාසලකි.එමෙන්ම සෑම ක්ෂේත්‍රයක් සදහා තරග වලට ඉදිරිපත් වී  කලාප, පළාත් මෙන්ම ජාතික මට්ටමේ ජයග්‍රහණ රාශියකට උරුමකම් කියන දරු පිරිසක් සිටී. පාසලෙන් බිහි වූ කීර්තිමත් ආදි සිසුන් ද බොහොමයකි. අද වන විට ඔවුන් රටේ ඉහළ තැන්වන තනතුරු දරමින් රට දැය වෙනුවෙන් සුවිශේෂි මෙහෙවරක් ඉටු කරති. අප පාසල තොරතුරු තාක්ෂණ අංශයෙන් ද මේ වන විට විශාල දියුණුවක් අත්කරගෙන ඇත.

පාසලට අවශ්‍යම සම්පතක් ලෙස පාසල් වෙබ් අඩවිය යොදා ගත හැක. විද්‍යාලය සමග සම්බන්ධ විවිධ පාර්ශව සමග අදහස් හුවමාරුවේදී හා තොරතුරු හුවමාරුවේදී මෙම වෙබ් අඩවිය ඵලදායී ලෙස යොදා ගැනීමට හැකි වනු ඇතැයි මා විශ්වාස කරමි. අප විද්‍යාලය සමග සම්බන්ධ සියළු පාර්ශවයන්ට අප පාසල් බෙව් අඩවිය සමග සම්බන්ධ වී පාසලේ උන්නතියට සහයෝගය දක්වන මෙන් ආරාධනය කර සිටිමි. මෙම කටයුත්ත සාර්ථක කර ගැනීම සඳහා උරදුන් සැමට මාගේ හෘදයාංගම ස්තූතිය පිරිනමන අතර දරු දැරියන්ගේ යහගුණ මෙන්ම අධ්‍යාපන කටයුතු දිනෙන් දින දියුණු වේවා යි ප්‍රාර්ථනා කරමි.